25

Apr, 2019

បើកវគ្គបណ្តុះបណ្តាលលើជំនាញវិជ្ជាជីវៈគណនេយ្យ Diploma in Accounting តាមកម្មវិធីសិក្សារបស់ ACCA Global ក្នុងគោលដៅលើកកម្ពស់សមត្ថភាពវិជ្ជាជីវៈគណនេយ្យ ស្របតាមស្តង់ដារគណនេយ្យអន្តរជាតិ ជូនដល់សិក្ខាកាមគោលដៅ ដែលជាមន្ត្រីរាជការជំនាញទទួលបន្ទុកការងារពាក់ព័ន្ធគណនេយ្យសាធារណៈ សរុបចំនួន ៣០ នាក់ មកពីអគ្គលេខាធិការដ្ឋាន អគ្គនាយកដ្ឋាន និងអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ សម្រាប់ចូលរួមចំណែកក្នុងការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ

By: | Tags: | Comments: 0

ព្រឹកថ្ងៃទី២៥ ខែមេសា ឆ្នាំ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ មានរៀបចំបើកវគ្គបណ្តុះបណ្តាលលើជំនាញវិជ្ជាជីវៈគណនេយ្យ Diploma in Accounting តាមកម្មវិធីសិក្សារបស់ ACCA Global ក្នុងគោលដៅលើកកម្ពស់សមត្ថភាពវិជ្ជាជីវៈគណនេយ្យ ស្របតាមស្តង់ដារគណនេយ្យអន្តរជាតិ ជូនដល់សិក្ខាកាមគោលដៅ ដែលជាមន្ត្រីរាជការជំនាញទទួលបន្ទុកការងារពាក់ព័ន្ធគណនេយ្យសាធារណៈ សរុបចំនួន ៣០ នាក់ មកពីអគ្គលេខាធិការដ្ឋាន អគ្គនាយកដ្ឋាន និងអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ សម្រាប់ចូលរួមចំណែកក្នុងការអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ។ ពិធីប្រកាសបើកវគ្គបណ្តុះបណ្តាលនេះ ប្រព្រឹត្តទៅក្រោមការដឹកនាំរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពប្រចាំក្រសួងសេដ្ឋកិច្ចនិងហិរញ្ញវត្ថុ ព្រមទាំងដោយមានការចូលរួមពីសំណាក់ ឯកឧត្តម លោកជំទាវ អនុរដ្ឋលេខាធិការ អគ្គនាយក អគ្គនាយករង នៃក្រសួងសេដ្ឋកិច្ចនិងហិរញ្ញវត្ថុ រួមនឹងតំណាង ACCA Cambodia ។ វគ្គបណ្តុះបណ្តាលខាងលើនេះ ត្រូវបានរៀបចំឡើងតាមរយៈកិច្ចសហការរវាងវិទ្យាស្ថានសេដ្ឋកិច្ចនិងហិរញ្ញវត្ថុ ជាមួយសាកលវិទ្យាល័យសេដ្ឋកិច្ចនិងហិរញ្ញវត្ថុ ហើយគឺជាកម្មវិធីសិក្សាផ្នែកគណនេយ្យ ហិរញ្ញវត្ថុ និងសវនកម្ម ដែលបានបង្កើតឡើងដោយស្ថាប័ន ACCA (Association of Chartered Certified Accountings), កម្មវិធីសិក្សាកម្រិតអន្តរជាតិនេះពិតជាមានសារៈសំខាន់សម្រាប់មន្ត្រីរាជការជំនាញគណនេយ្យ របស់ក្រសួងសេដ្ឋកិច្ចនិងហិរញ្ញវត្ថុ ក្នុងការបង្កើតចំណេះដឹង និង បទពិសោធន៍ លើវីជ្ជាជីវៈគណនេយ្យដែលមានស្តង់ដារទទួលស្គាល់កម្រិតអន្តរជាតិ ។

READ MORE

5

Apr, 2019

សេចក្ដីជូនដំណឹងស្ដីពីការប្រឡងជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា (Postgraduate) និងថ្នាក់ឧត្តមសិក្សា (Undergraduate) ទៅសិក្សានៅតំបន់ស្វយ័តជនជាតិជាំងក្វាងស៊ី (Guangxi Zhuang Autonomous Region) នៃសាធារណរដ្ឋប្រជាមានិតចិន សម្រាប់ឆ្នាំសិក្សា ២០១៩-២០២០

By: | Tags: | Comments: 0

សេចក្ដីជូនដំណឹងស្ដីពីការប្រឡងជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា (Postgraduate) និងថ្នាក់ឧត្តមសិក្សា (Undergraduate) ទៅសិក្សានៅតំបន់ស្វយ័តជនជាតិជាំងក្វាងស៊ី (Guangxi Zhuang Autonomous Region) នៃសាធារណរដ្ឋប្រជាមានិតចិន សម្រាប់ឆ្នាំសិក្សា ២០១៩-២០២០ ។

READ MORE

4

Apr, 2019

ជំនួបពិភាក្សាលើកិច្ចសហប្រតិបត្តិការរវាងវិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសដ្ឋកិច្ចនិងហិរញ្ញវត្ថុ ជាមួយ Civil Service College ក្នុងការកសាង និង អភិវឌ្ឍសមត្ថភាពជូនមន្រ្តីរាជការរបស់ក្រសួងសេដ្ឋកិច្ចនិងហិរញ្ញវត្ថុ និង ក្រសួងស្ថាប័ន

By: | Tags: | Comments: 0

នៅថ្ងៃទី ៤ ខែ មេសា ឆ្នាំ ២០១៩ វេលាម៉ោង ១០:០០ នាទីព្រឹក នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ បានទទួលជួបលោកស្រី Flynn Ong នាយករង Civil Service College International (CSC) នៃប្រទេសសឹង្ហបុរី ដើម្បីពិនិត្យពិភាក្សាលើកិច្ចសហប្រតិបត្តិការរវាងវិទ្យាស្ថានសេដ្ឋកិច្ចនិងហិរញ្ញវត្ថុ (EFI) នៃក្រសួងសដ្ឋកិច្ចនិងហិរញ្ញវត្ថុ ជាមួយ Civil Service College ក្នុងការកសាង និង អភិវឌ្ឍសមត្ថភាពជូនមន្រ្តីរាជការរបស់ក្រសួងសេដ្ឋកិច្ចនិងហិរញ្ញវត្ថុ និង ក្រសួងស្ថាប័ន លើជំនាញសម្រាប់ការគ្រប់គ្រងហិរញ្ញវត្ថុសាធារណៈនៅកម្ពុជា ។ ក្នុងកិច្ចជំនួបនេះ ឯកឧត្តមបណ្ឌិតសភាចារ្យ ហ៊ាន សាហ៊ីបបានលើកឡើងនូវភាពចាំបាច់ក្នុងការអភិវឌ្ឍសមត្ថភាពស្ថាប័នរបស់ EFI ដែលត្រូវចូលរួមសកម្មក្នុងការងារបណ្តុះបណ្តាលសម្រាប់គាំទ្រកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ (PFM) ពិសេសផ្តោតលើ: (១). វគ្គបណ្តុះបណ្តាលគ្រូបង្គោល (TOT) និង ការកែលម្អកម្មវិធីសិក្សាជំនាញគោលដៅថវិកា និង (២). ការរៀបចំវគ្គបណ្តុះបណ្តាលរួមគ្នាលើជំនាញមួយចំនួនដល់សិក្ខាកាមគោលដៅ ។ លោកស្រី Flynn Ong បានសំដែងនូវក្តីរីករាយក្នុងការកិច្ចសហប្រតិបត្តិការនេះ ហើយកម្មវិធីដែលនឹងបង្កើតឡើងរួមគ្នានេះ ក៏នឹងមានការគាំទ្រពី Temasek Foundation International (TFI) ដែលការងារនេះបានពិភាក្សាគ្នារួចហើយ ។ ជាលទ្ធផលក្នុងកិច្ចជំនួបនេះ ឯកឧត្តមបណ្ឌិតសភាចារ្យ ហ៊ាន សាហ៊ីប បានណែនាំឱ្យ EFI បន្តធ្វើការងារលើកម្មវិធីបចេ្ចកទេស ជាមួយ CSC និង បន្តឆ្ពោះទៅរកការបង្កើតកម្មវិធីមួយច្បាស់លាស់ ធានាឱ្យមានភាពរលូន និង កិច្ចសហការគ្នាប្រកបដោយប្រសិទ្ធភាពខ្ពស់ ក្នុងគោលដៅការគាំទ្រដល់ការងារកែទម្រង់ការគ្រប់គ្រងហិរញ្ញវត្ថុសាធារណៈ (PFM) ។

READ MORE

3

Apr, 2019

កិច្ចប្រជុំពិនិត្យពិភាក្សាលើការសិក្សាសំណើពាក់ព័ន្ធនឹងការកំណត់គោលការណ៍រួមនៃការផ្តល់ការលើកទឹកចិត្តចំពោះគម្រោងវិនិយោគបង្កើតរោងចក្រផ្គុំនិងដំឡើងរថយន្

By: | Tags: | Comments: 0

នៅព្រឹកថ្ងៃទី ០៣ ខែ មេសា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានដឹកនាំសម្របសម្រួលកិច្ចប្រជុំពិនិត្យពិភាក្សាលើការសិក្សាសំណើពាក់ព័ន្ធនឹងការកំណត់គោលការណ៍រួមនៃការផ្តល់ការលើកទឹកចិត្តចំពោះគម្រោងវិនិយោគបង្កើតរោងចក្រផ្គុំនិងដំឡើងរថយន្ត បន្ទាប់ពីក្រុមការងារបច្ចេកទេសបានរៀបចំសម្រេចបាននូវសេចក្តីព្រាងបឋមស្តីពីការសិក្សាលើករណីនេះរួចរាល់។ កិច្ចប្រជុំនេះ មានការចូលរួមពីអនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ, តំណាងក្រុមប្រឹក្សាអភិវឌ្ឍន៍កម្ពុជា, តំណាងក្រសួងឧស្សាហកម្ម និង សិប្បកម្ម និង សមាជិកក្រុមការងារដែលមានសមាសភាពមកពី អគ្គនាយកដ្ឋានគោលនយោបាយ, អគ្គនាយកដ្ឋានពន្ធដារ, អគ្គនាយកដ្ឋានគយនិងរដ្ឋាករកម្ពុជា, អគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ ជាដើម។ ជាលទ្ធផលកិច្ចប្រជុំបានពិនិត្យសម្រេចក្នុងទិដ្ឋភាពវិជ្ជមាន សម្រាប់គាំទ្រដល់គម្រោងវិនិយោគបង្កើតរោងចក្រផ្គុំនិងដំឡើងរថយន្តនេះ ។

READ MORE

21

Mar, 2019

កិច្ចប្រជុំស្តីពី “ការប្រមូលធាតុចូលបន្ថែមលើតម្រូវការនាពេលខាងមុខ ក្នុងការរៀបចំកសាងបណ្តាញអិុនត្រាណិត (Intranet) របស់ក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

នាព្រឹកថ្ងៃទី ២១ ខែ មីនា ឆ្នាំ ២០១៩ នៅទីស្តីការក្រសួងសេដ្ឋកិច្ច និង ហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារគ្រប់គ្រងគម្រោង FMIS បានដឹកនាំកិច្ចប្រជុំស្តីពី “ការប្រមូលធាតុចូលបន្ថែមលើតម្រូវការនាពេលខាងមុខ ក្នុងការរៀបចំកសាងបណ្តាញអិុនត្រាណិត (Intranet) របស់ក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីតំណាងអគ្គលេខាធិការដ្ឋាន គ្រប់អគ្គនាយកដ្ឋាន អគ្គាធិការដ្ឋាន និងគ្រប់អង្គភាពក្រោមឱវាទក្រសួង។ កិច្ចប្រជុំប្រមូលធាតុចូលនេះ ផ្តោតសំខាន់លើការរៀបចំទីតាំងនិងតម្រូវការជាក់ស្តែងលើផ្នែកហេដ្ឋារចនាសម្ព័ន្ធបណ្តាញតភ្ជាប់របស់អគ្គនាយកដ្ឋាននិងអង្គភាពចំណុះក្រសួងសេដ្ឋកិច្ចនិងហិរញ្ញវត្ថុទាំងមូល ក្នុងការអភិវឌ្ឍវិស័យបច្ចេកវិទ្យាព័ត៌មាននិងគមនាគមន៍ ក៏ដូចជាលើកកម្ពស់ការងារប្រចាំថ្ងៃ និងការផ្តល់សេវាសាធារណៈរបស់អង្គភាពទាំងអស់ ប្រកបដោយប្រសិទ្ធភាព ធានាសុវត្ថិភាព មានគុណភាពខ្ពស់ និង ពង្រឹងប្រសិទ្ធភាពចំណាយផ្អែកតាមគោលការណ៍សន្សំសំចៃថវិការដ្ឋ និងពេលវេលា សំដៅធ្វើទំនើបកម្មការអនុវត្តការងារដើម្បី គាំទ្រដល់ដំណើរឆ្ពោះទៅកាន់រដ្ឋាភិបាលឌីជីថល និងការអភិវឌ្ឍសេដ្ឋកិច្ចឌីជីថល ។

READ MORE

15

Mar, 2019

ពិធីចុះហត្ថលេខាលើកិច្ចសន្យាស្តីពី “ការផ្គត់ផ្គង់គម្រោងអ៊ិនត្រាណិតរបស់ក្រសួងសេដ្ឋកិច្ច និង ហិរញ្ញវត្ថុ” រវាងក្រសួងសេដ្ឋកិច្ច និង ក្រុមហ៊ុន (ខេមបូឌា) ហ្វីប៊ើរអុបទិច ខមញូនីខេសិន ណេតវើក (Cambodia) Fiber Optic Communication Network Co., Ltd (CFOCN)

By: | Tags: | Comments: 0

នៅរសៀលថ្ងៃទី ១៥ ខែមីនា ឆ្នាំ២០១៩ នៅទីស្តីការក្រសួងសេដ្ឋកិច្ច និង ហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានអញ្ជើញចូលរួមក្នុងពិធីចុះហត្ថលេខាលើកិច្ចសន្យាស្តីពី “ការផ្គត់ផ្គង់គម្រោងអ៊ិនត្រាណិតរបស់ក្រសួងសេដ្ឋកិច្ច និង ហិរញ្ញវត្ថុ” រវាងក្រសួងសេដ្ឋកិច្ច និង ក្រុមហ៊ុន (ខេមបូឌា) ហ្វីប៊ើរអុបទិច ខមញូនីខេសិន ណេតវើក (Cambodia) Fiber Optic Communication Network Co., Ltd (CFOCN) ។ ជារួម “សមិទ្ធផលនៃការអនុវត្តគម្រោង អ៊ិនត្រាណិត នេះ បានធ្វើឱ្យក្រសួងសេដ្ឋកិច្ច និង ហិរញ្ញវត្ថុ បោះជំហានមួយយ៉ាងលឿន ក្នុងការចាប់យកវិស័យបច្ចេកវិទ្យាព័ត៌មាន និងគមនាគមន៍ ដើម្បីជំរុញអនុវត្តកម្មវិធីកែទម្រង់ការគ្រប់គ្រង ហិរញ្ញវត្ថុសាធារណៈ ស្របតាមបរិការណ៍អភិវឌ្ឍសេដ្ឋកិច្ចឌីជីថល ក្នុងយុគនៃបដិវត្តឧស្សាហកម្មទី ៤”។

READ MORE

7

Mar, 2019

សេចក្តីជូនដំណឹងស្តីពីកម្មវិធីអាហារូបករណ៍ ថ្នាក់បរិញ្ញាបត្រជាន់ខ្ពស់របស់រដ្ឋាភិបាលកូរ៉េ ឆ្នាំ២០១៩

By: | Tags: | Comments: 0

នៅឆ្នាំ ២០១៩ នេះ ភ្នាក់ងារសហប្រតិបត្តិការអន្តរជាតិកូរ៉េ ( Korean International Cooperation Agency )  នឹងផ្តល់អាហារូបករណ៍របស់រដ្ឋាភិបាលកូរ៉េជូនមន្រ្តីរាជការថ្នាក់ជាតិ និងថ្នាក់ក្រោមជាតិ សម្រាប់សិក្សាថ្នាក់បរិញ្ញាបត្រជាន់ខ្ពស់ នៅប្រទេសកូរ៉េទៅលើមុខជំនាញរួមមានៈ Finance and Tax Policy ដែលនឹងសិក្សានៅ Korea University Public Management and Public Policy Reforms ដែលនឹងសិក្សានៅ Seoul National University Regulation Management for Economic Development ដែលនឹងសិក្សានៅ Korea Development Institute School of Public Policy   បេក្ខជនទាំងពីរភេទដែលមានបំណងស្នើសុំអាហារូបករណ៍នេះ ត្រូវគោរពតាមគោលការណ៍ណែនាំរបស់កម្មវិធីអាហារូបករណ៍ (Application Guideline) ដែលបានភ្ជាប់មកជាមួយ និងមានលក្ខណៈសម្បត្តិ ដូចខាងក្រោមៈ              (១). មានសញ្ជាតិខ្មែរ និង មានលិខិតឆ្លងដែនដែលមានសុពលភាព,              (២). មានសញ្ញាបត្របរិញ្ញាបត្រ (Bachelor Degree) ឬ សញ្ញាបត្រសមមូល និងបទពិសោធន៍ការងារយ៉ាងតិច ២ ឆ្នាំ លើជំនាញដែលស្នើសុំអាហារូបករណ៍,              (៣).មិនធ្លាប់បោះបង់កម្មវិធីអាហារូបករណ៍របស់ KOICA,              (៤).មិនធ្លាប់ចូលរួមកម្មវិធីអាហារូបករណ៍របស់ KOICA ឬ អាហារូបករណ៍ផ្សេងៗរបស់រដ្ឋាភិបាលកូរ៉េ  (ថ្នាក់បរិញ្ញាបត្រជាន់ខ្ពស់)​ កន្លងមក,              (៥).​ មានចំណេះដឹងភាសាអង់គ្លេសល្អ, និង              (៦). មានសុខភាព និង សតិបញ្ញាល្អបរិបូណ៌ ។   ក្នុងន័យនេះមន្ត្រីរាជការទាំងពីរភេទ […]

READ MORE

27

Feb, 2019

កិច្ចប្រជុំពិនត្យផ្ទៀងផ្ទាត់បញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០១៨ របស់អង្គភាពប្រើប្រាស់ថ្នាក់កណ្តាលនៃក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

នាព្រឹកថ្ងៃទី ២៧ ខែ កុម្ភៈ ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានគណៈកម្មការបញ្ជីសារពើភណ្ឌទ្រព្យសម្បត្តិរដ្ឋ ប្រចាំក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំពិនត្យផ្ទៀងផ្ទាត់បញ្ជីសារពើភណ្ឌទ្រព្យសម្បត្តិរដ្ឋប្រចាំឆ្នាំ២០១៨ របស់អង្គភាពប្រើប្រាស់ថ្នាក់កណ្តាលនៃក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីតំណាងអគ្គនាយកដ្ឋាននិងអង្គភាព ដែលជាអង្គភាពប្រើប្រាស់ថ្នាក់កណ្តាលរបស់ក្រសួង និងសមាជិកសមាជិកានៃគណៈកម្មការ ព្រមទាំងមានការចូលរួមជាវាគ្មិនពីសំណាក់ថ្នាក់ដឹកនាំ នៃអគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ ក្នុងការផ្សព្វផ្សាយ ណែនាំ និងជំរុញការអនុវត្តលិខិតបទដ្ឋានគតិយុត្តពាក់ព័ន្ធការរៀបចំបញ្ជីសារពើភណ្ឌទ្រព្យសម្បត្តិរដ្ឋផងដែរ ។

READ MORE

22

Feb, 2019

កិច្ចប្រជុំពិភាក្សាអំពីវឌ្ឍនភាពនៃគម្រោង FMIS ជាមួយក្រុមជំនាញការរបស់មូលនិធិរូបិយវត្ថុអន្តរជាតិ IMF

By: | Tags: | Comments: 0

នារសៀលថ្ងៃទី ២២ ខែ កុម្ភៈ ឆ្នាំ ២០១៩ នៅទីស្តីការក្រសួងសេដ្ឋកិច្ច និង ហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារគ្រប់គ្រងគម្រោង FMIS បានដឹកនាំកិច្ចប្រជុំពិភាក្សាជាមួយលោក Mark Silins ដែលជាក្រុមជំនាញការរបស់មូលនិធិរូបិយវត្ថុអន្តរជាតិ IMF ។ កិច្ចប្រជុំនេះ ផ្តោតសំខាន់ទៅលើវឌ្ឍនភាពនៃគម្រោង FMIS និងមានការលើឡើងពីក្រុមជំនាញការពីសមិទ្ធផលមួយចំនួនដែលគម្រោងបានសម្រេចបាន ព្រមជាមួយទិសដៅការងារសហប្រតិបត្តិការជំនួយបច្ចេកទេសបន្តទៀត ។

READ MORE

17

Feb, 2019

សេចក្ដីជូនដំណឹងស្ដីពីលទ្ធផលនៃការប្រឡងប្រជែងជ្រើសរើសបេក្ខជនចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ សម័យប្រឡង ថ្ងៃទី១០ ខែកុម្ភៈ ឆ្នាំ២០១៩ នៅមណ្ឌលប្រឡងសាកលវិទ្យាល័យភូមិន្ទភ្នំពេញ

By: | Tags: | Comments: 0

សេចក្ដីជូនដំណឹងស្ដីពីលទ្ធផលនៃការប្រឡងប្រជែងជ្រើសរើសបេក្ខជនចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ សម័យប្រឡង ថ្ងៃទី១០ ខែកុម្ភៈ ឆ្នាំ២០១៩  នៅមណ្ឌលប្រឡងសាកលវិទ្យាល័យភូមិន្ទភ្នំពេញ ។

READ MORE