24

Jul, 2019

កិច្ចប្រជុំផ្សព្វផ្សាយលិខិតបទដ្ឋានគតិយុត្តិថ្មីៗពាក់ព័ន្ធនឹងការគ្រប់គ្រងបុគ្គលិក

By: | Tags: | Comments: 0

នាព្រឹកថ្ងៃទី ២៤ ខែ កក្កដា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានអញ្ជើញបើកកិច្ចប្រជុំផ្សព្វផ្សាយលិខិតបទដ្ឋានគតិយុត្តិថ្មីៗពាក់ព័ន្ធនឹងការគ្រប់គ្រងបុគ្គលិក ដោយមានការចូលរួមពីតំណាង អគ្គនាយដ្ឋាន និង អង្គភាពចំណុះក្រសួងសេដ្ឋកិច្ច និងហិរញ្ញវត្ថុ ។ កិច្ចប្រជុំនេះ មានគោលបំណងដើម្បីផ្សព្វផ្សាយនិងបញ្ជ្រាបការយល់ដឹងអំពីខ្លឹមសារសំខាន់ៗនៃលិខិតបទដ្ឋានគតិយុត្តិ ដល់អង្គភាពទទួលបន្ទុកគ្រប់គ្រងបុគ្គលិកមន្ត្រីរាជការ ដែលនឹងជួយពង្រឹកសមត្ថភាពក្នុងតួនាទីគ្រប់គ្រងធនធានមនុស្សយល់កាន់តែច្បាស់ពីយន្តការគ្រប់គ្រងការងារ ដែនសមត្ថកិច្ចក្នុងការគ្រប់គ្រង ចាត់ចែង និងទទួលខុសត្រូវលើការងារតាមដានគ្រប់គ្រងមន្ត្រីក្នុងអង្គភាពរបស់ខ្លួន។

READ MORE

23

Jul, 2019

កម្មវិធីបង្កើនការយល់ដឹងស្តីពីការអនុវត្តប្រព័ន្ធ FMIS ផ្ទាល់លើប្រតិបត្តិការហិរញ្ញវត្ថុ និង ថវិកា

By: | Tags: | Comments: 0

នាព្រឹកថ្ងៃទី ២៣ ខែ កក្កដា ឆ្នាំ ២០១៩ នៅសណ្ឋាគារភ្នំពេញ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ និង ជាប្រធានក្រុមការងារគ្រប់គ្រងគម្រោង FMIS តំណាងដ៏ខ្ពង់ខ្ពស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានដឹកនាំបើក កម្មវិធីបង្កើនការយល់ដឹងស្តីពីការអនុវត្តប្រព័ន្ធ FMIS ផ្ទាល់លើប្រតិបត្តិការហិរញ្ញវត្ថុ និង ថវិកា ដែលមានការអញ្ចើញចូលរួមពីតំណាងក្រសួង ស្ថាប័នចំនួន ១៧ និង អង្គភាពថវិកាជាអាណាប័កផ្ទេរសិទ្ធិពេញលេញ ដែលត្រៀមខ្លួនក្នុងការចូលរួមប្រើប្រាស់ប្រព័ន្ធ FMIS ជាផ្លូវការនៅឆ្នាំ ២០២០ ខាងមុខនេះ ។ កម្មវិធីនេះមានគោលបំណងដើម្បីបង្កើនការស្វែងយល់ឱ្យកាន់តែច្បាស់អំពីប្រព័ន្ធ FMIS តាមរយៈការបង្ហាញផ្ទាល់របស់មន្រ្តីដែលបាន និង កំពុងប្រើប្រាស់ប្រព័ន្ធ FMIS, និងដើម្បីបំផុសឱ្យត្រៀមខ្លួនគិតគូរអំពីការផ្លាស់ប្តូរដើម្បីផ្តល់នូវមូលដ្ឋានគ្រឹះជាក់លាក់ និង ឈានដល់ការកាត់បន្ថយនីតិវិធីអនុវត្តការងារមួយចំនួន ក៏ដូចជាការត្រៀមលក្ខណៈធ្វើសមាហរណកម្មចូលក្នុងប្រព័ន្ធ FMIS, បន្តឈានទៅលុបបំបាត់ចោលនីតិវិធីអនុវត្តការងារ និង ឯកសារក្រដាសស្នាមនៅក្រៅប្រព័ន្ធ FMIS ទាំងស្រុងនាពេលអនាគត ។ ជាចុងបញ្ចប់ ឯកឧត្តមបណ្ឌិតសភាចារ្យ ហ៊ាន សាហ៊ីប បានវាយតម្លៃខ្ពស់ចំពោះការអនុវត្តដំណើរការនេះ ថាជានិមិត្តរូបនៃវឌ្ឍនភាពដ៏ធំមួយឆ្ពោះទៅកាន់ការប្រើប្រាស់ប្រព័ន្ធ FMIS “ជាប្រព័ន្ធតែមួយគត់ និង ជាឧបករណ៍ដ៏សំខាន់ក្នុងការគាំទ្រដោយផ្ទាល់ទៅលើការអនុវត្តកម្មវិធីគន្លឹះនានា នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ” ហើយនឹងរួមចំណែកធ្វើឱ្យប្រទេសកម្ពុជា ប្រែក្លាយទៅជារដ្ឋាភិបាលឌីជីថល ក្នុងវិស័យហិរញ្ញវត្ថុ ស្របតាមបរិការណ៍ “បដិវត្តឧស្សាហកម្មទី៤” ។

READ MORE

19

Jul, 2019

ជំនួបជាមួយ ឯកឧត្តមបណ្ឌិត Mohamed Ghassan Mohamed Adnan Shaikho ជាឯកអគ្គរាជទូតតែងតាំងថ្មី របស់ព្រះរាជាណាចក្របារ៉ែន ប្រចាំព្រះរាជាណាចក្រកម្ពុជា

By: | Tags: | Comments: 0

នៅថ្ងៃសុក្រ ទី ១៩ ខែ កក្កដា ឆ្នាំ ២០១៩ នៅវេលាម៉ោង ២:៣០ រសៀល នាទីស្តីការក្រសួងសេដ្ឋកិច្ច និង ហិរញ្ញវត្ថុ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ ក្រសួងសេដ្ឋកិច្ច និង ហិរញ្ញវត្ថុបានទទួលជួប ឯកឧត្តមបណ្ឌិត Mohamed Ghassan Mohamed Adnan Shaikho ជាឯកអគ្គរាជទូតតែងតាំងថ្មី របស់ព្រះរាជាណាចក្របារ៉ែន ប្រចាំព្រះរាជាណាចក្រកម្ពុជា។ ជំនួបនេះមានគោលបំណងចម្បង ដើម្បីស្វែងយល់ពីបរិការណ៍និងដំណើរវិវឌ្ឍនៃវិស័យសេដ្ឋកិច្ច តាមរយៈកិច្ចការកែទម្រង់របស់រាជរដ្ឋាភិបាល និង ពិភាក្សាពីលទ្ធភាពស្វែងរកកិច្ចសហការក្នុងការធ្វើវិនិយោគរវាងរាជាណាចត្រទាំងពីរ ។ ឯកឧត្តមបណ្ឌិតសភាចារ្យ បានបង្ហាញពីកត្តាគន្លឹះសេដ្ឋកិច្ចមួយចំនួន និងកិច្ចដំណើរការក្នុងការធ្វើពិពិធកម្មសេដ្ឋកិច្ច ព្រមជាមួយបរិយាកាសអំណោយផលនិងការជួយគាំទ្រពីរាជរដ្ឋាភិបាលក្នុងការធ្វើវិនិយោគនៅកម្ពុជា ។ ចុងបញ្ចប់ ឯកឧត្តមបណ្ឌិតសភាចារ្យ ហ៊ាន សាហ៊ីប បានជូនសៀវភៅយុទ្ធសាស្ត្រចតុកោណដំណាក់កាលទី៤ ដល់ឯកឧត្តមបណ្ឌិតឯកអគ្គរាជទូត សម្រាប់ស្វែងយល់លម្អិតពីយុទ្ធសាស្ត្រក្នុងកែទម្រង់របស់រាជរដ្ឋាភិបាលកម្ពុជា ។  

READ MORE

18

Jul, 2019

កិច្ចប្រជុំពិភាក្សាពាក់ព័ន្ធលើការងារជួយសម្រួលនីតិវិធីដើម្បីបង្កឱ្យមានភាពអំណោយផលសម្រាក់ការវិនិយោគ

By: | Tags: | Comments: 0

នារសៀលថ្ងៃទី ១៨ ខែ កក្កដា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារសម្រាប់ចូលរួមរៀបចំច្បាប់វិនិយោគ បានដឹកនាំសម្របសម្រួលកិច្ចប្រជុំពិភាក្សាពាក់ព័ន្ធលើការងារជួយសម្រួលនីតិវិធីដើម្បីបង្កឱ្យមានភាពអំណោយផលសម្រាក់ការវិនិយោគ ដោយមានការអញ្ជើញចូលរួមដោយឯកឧត្តមអនុរដ្ឋលេខាធិការ និងតំណាងអគ្គនាយកដ្ឋានពន្ធដារ, អគ្គនាយកដ្ឋានគយនិងរដ្ឋាករកម្ពុជា ព្រមជាមួយអគ្គនាយកដ្ឋានគោលនយោបាយ ។ កិច្ចប្រជុំនេះ មានគោលបំណងស្តាប់ពីបញ្ហានានាដែលជួបប្រទះក្នុងការអនុវត្តកិច្ចការខាងលើ់របស់អគ្គនាយកដ្ឋានពាក់ព័ន្ធក្រោមឱវាទក្រសួងកន្លងមក និង ពិនិត្យលទ្ធភាពក្នុងការកាត់បន្ថយនីតីវិធីបន្ថែម ក្នុងន័យលើកទឹកចិត្តនិងបង្កើនការវិនិយោគ ។

READ MORE

15

Jul, 2019

កិច្ចប្រជុំពិភាក្សាពាក់ព័ន្ធនឹងការលើកទឹកចិត្តគម្រោងវិនិយោគ

By: | Tags: | Comments: 0

នារសៀលថ្ងៃទី ១៥ ខែ កក្កដា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារសម្រាប់ចូលរួមរៀបចំច្បាប់វិនិយោគ បានដឹកនាំសម្របសម្រួលកិច្ចប្រជុំពិភាក្សាពាក់ព័ន្ធនឹងការលើកទឹកចិត្តគម្រោងវិនិយោគ ដោយមានការអញ្ជើញចូលរួមដោយឯកឧត្តមអនុរដ្ឋលេខាធិការ និងតំណាងអគ្គនាយកដ្ឋានពន្ធដារ, អគ្គនាយកដ្ឋានគយនិងរដ្ឋាករកម្ពុជា ព្រមជាមួយអគ្គនាយកដ្ឋានគោលនយោបាយ ។ កិច្ចប្រជុំនេះ មានគោលបំណងដើម្បីពិនិត្យពិភាក្សានិងផ្ទៀងផ្ទាត់ជាមួយអគ្គនាយកដ្ឋានពាក់ព័ន្ធ អំពីការ លើកទឹកចិត្តគម្រោងវិនិយោគតាមវិស័យអាទិភាពមួយចំនួន ក្នុងគោលដៅទាក់ទាញ និងសម្រួលការវិនិយោគ ស្របទៅតាមការវិវឌ្ឍន៍សេដ្ឋកិច្ចក្នុងតំបន់ ។

READ MORE

11

Jul, 2019

កិច្ចប្រជុំពិភាក្សាដើម្បីកំណត់ស្លាកលេខរថយន្តសម្រាប់បម្រើឱ្យកិច្ចប្រជុំកំពូលអាស៊ី-អឺរ៉ុបលើកទី១៣ ឆ្នាំ ២០២០

By: | Tags: | Comments: 0

នារសៀលថ្ងៃទី ១១ ខែ កក្កដា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ បានដឹកនាំសម្របសម្រួលកិច្ចប្រជុំពិភាក្សាដើម្បីកំណត់ស្លាកលេខរថយន្តសម្រាប់បម្រើឱ្យកិច្ចប្រជុំកំពូលអាស៊ី-អឺរ៉ុបលើកទី១៣ ឆ្នាំ ២០២០ នៅកម្ពុជា ។ កិច្ចប្រជុំនេះ មានការអញ្ជើញចូលរួមពីតំណាងក្រសួងការបរទេស និងសហប្រតិបត្តិការអន្តរជាតិ, ក្រសួងសាធារណៈការ និងដឹកជញ្ជូន, អគ្គនាយកដ្ឋានគយ និងរដ្ឋាករកម្ពុជា, និងតំណាងក្រុមហ៊ុន Royal Cambodia Limousine Service Co.,Ltd ។

READ MORE

9

Jul, 2019

ពិធីបិទវគ្គបណ្តុះបណ្តាលស្តីពី “នីតិវិធីនៃការគ្រប់គ្រងចំណូលមិនមែនសារពើពន្ធ ”

By: | Tags: | Comments: 0

ថ្ងៃ អង្គារ ៨ កើត ខែ អាសាឍ ឆ្នាំ កុរ ឯកស័ក ព.ស. ២៥៦៣ ត្រូវនឹងថ្ងៃទី ៩ ខែ កក្កដា ឆ្នាំ ២០១៩, នៅមន្ទីរសេដ្ឋកិច្ចនិងហិរញ្ញវត្ថុខេត្តពោធិ៍សាត់, មានរៀបចំពិធីបិទវគ្គបណ្តុះបណ្តាលស្តីពី “នីតិវិធីនៃការគ្រប់គ្រងចំណូលមិនមែនសារពើពន្ធ ” ជូនសិក្ខាកាមគោលដៅ ១០៩ នាក់ ដែលជា រជ្ជទេយ្យករចំណូលនៃមន្ទីរអង្គភាពជំនាញ និង រដ្ឋបាលថ្នាក់ក្រោមជាតិ នៃខេត្តពោធិ៍សាត់ ក្នុងគោលបំណងពង្រឹង ពង្រីកសមត្ថភាព និង ការយល់ដឹង សំដៅលើកកម្ពស់តម្លាភាព គណនេយ្យភាព ប្រសិទ្ធភាព និង ស័ក្តិសិទ្ធិភាព នៃការគ្រប់គ្រងចំណូលមិនមែនសារពើពន្ធ អនុលោមតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងក្នុងក្របខណ្ឌនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ ប្រកបដោយប្រសិទ្ធភាព និងចីរភាព។ ពិធីបិទវគ្គបណ្តុះបណ្តាលនេះ បានប្រព្រឹត្តទៅក្រោមការដឹកនាំ របស់ ឯកឧត្តម ពេជ្រ សម្បត្តិ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាព នៃក្រសួងសេដ្ឋកិច្ច និងហិរញ្ញវត្ថុ និងមានការចូលរួមពី ឯកឧត្តម គិត សុផា អភិបាលរង នៃគណៈអភិបាលខេត្តពោធិ៍សាត់ និង ឯកឧត្តម លោក លោកស្រី ថ្នាក់ដឹកនាំពាក់ព័ន្ធ រួមនឹងគ្រូឧទ្ទេស និងសិក្ខាកាមចូលរួមសរុបប្រមាណ ១២០ នាក់ ។ អង្គពិធីនេះ ត្រូវបានសហការរៀបចំ និងសម្របសម្រួល ដោយវិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុខេត្តពោធិ៍សាត់។ ថ្លែងនៅក្នុងឱកាសនោះ ឯកឧត្តម គិត សុផា អភិបាលរង នៃគណៈអភិបាលខេត្តពោធិ៍សាត់ បានលើកទ្បើងថា វគ្គបណ្តុះបណ្តាលរបស់យើងក្នុងរយៈពេល ២ […]

READ MORE

8

Jul, 2019

វគ្គបណ្តុះបណ្តាលស្តីពី “នីតិវិធីនៃការគ្រប់គ្រងចំណូលមិនមែនសារពើពន្ធ”

By: | Tags: | Comments: 0

ថ្ងៃចន្ទ ៧ កើត ខែ អាសាឍ ឆ្នាំ កុរ ឯកស័ក ព.ស. ២៥៦៣ ត្រូវនឹងថ្ងៃទី ៨ ខែ កក្កដា ឆ្នាំ ២០១៩, នៅមន្ទីរសេដ្ឋកិច្ចនិងហិរញ្ញវត្ថុខេត្តពោធិ៍សាត់​, ក្រសួងសេដ្ឋកិច្ចនិងហិរញ្ញវត្ថុ បានបើកវគ្គបណ្តុះបណ្តាលស្តីពី “នីតិវិធីនៃការគ្រប់គ្រងចំណូលមិនមែនសារពើពន្ធ ” ជូនសិក្ខាកាមគោលដៅ ១០៩ នាក់ ដែលជា រជ្ជទេយ្យករចំណូលនៃមន្ទីរអង្គភាពជំនាញ និង រដ្ឋបាលថ្នាក់ក្រោមជាតិ នៃខេត្តពោធិ៍សាត់ ក្នុងគោលបំណងពង្រឹង ពង្រីកសមត្ថភាព និង ការយល់ដឹង សំដៅលើកកម្ពស់តម្លាភាព គណ​នេយ្យ​ភាព ប្រសិទ្ធភាព និង ស័ក្តិសិទ្ធិភាព នៃការគ្រប់គ្រងចំណូលមិនមែនសារពើពន្ធ អនុលោមតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងក្នុងក្របខណ្ឌនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣ ប្រកបដោយប្រសិទ្ធភាព និងចីរភាព។ ​ពិធីបើកវគ្គបណ្តុះបណ្តាលនេះ បានប្រព្រឹត្តទៅក្រោមការដឹកនាំ របស់ ឯកឧត្តម ពេជ្រ សម្បត្តិ អនុរដ្ឋលេខាធិការ​​​ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាព នៃក្រសួងសេដ្ឋកិច្ច និងហិរញ្ញវត្ថុ និងមានការចូលរួមពី ឯកឧត្តម គិត សុផា អភិបាលរង នៃគណៈអភិបាលខេត្តពោធិ៍សាត់ និង ឯកឧត្តម លោក លោកស្រី ថ្នាក់ដឹកនាំពាក់ព័ន្ធ រួមនឹងគ្រូឧទ្ទេស និងសិក្ខាកាមចូលរួមសរុបប្រមាណ ១៣០ នាក់ ។ អង្គពិធីនេះ ត្រូវបានសហការរៀបចំ និងសម្រ​ប​សម្រួល ដោយវិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុ​ខេត្តពោធិ៍សាត់។ ថ្លែងនៅក្នុងឱកាសនោះ ឯកឧត្តម គិត សុផា អភិបាលរង នៃគណៈអភិបាលខេត្តពោធិ៍សាត់ បានលើកទ្បើងថា កន្លងមក មន្ត្រីរាជការជារជ្ជទេយ្យករ […]

READ MORE

5

Jul, 2019

វេទិកាក្រុមហ៊ុនចុះបញ្ជីប្រចាំឆ្នាំ “កាលានុវត្តភាពឤជីវកម្មក្រោមយុទ្ធសាស្ត្រគាំទ្រវិស័យឯកជនរបស់រាជរដ្ឋាភិបាល”

By: | Tags: | Comments: 0

នារសៀលថ្ងៃសុក្រ ៤ កើត ខែ ឤសាឍ ឆ្នាំ កុរ ឯកស័ក ព.ស. ២៥៦៣ ត្រូវនឹងថ្ងៃទី ៥ ខែ     កក្កដា ឆ្នាំ ២០១៩ ផ្សារមូលបត្រកម្ពុជាបានរៀបចំវេទិកាក្រុមហ៊ុនចុះបញ្ជីប្រចាំឆ្នាំ ក្រោមប្រធានបទ ßកាលានុវត្តភាព ឤជីវកម្ម ក្រោមយុទ្ធសាស្ត្រគាំទ្រវិស័យឯកជនរបស់រាជរដ្ឋាភិបាលà ដែលបានរៀបចំឡើងនៅសណ្ឋាគារសុខា ភ្នំពេញ ។ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និងជាប្រធានក្រុមប្រឹក្សាភិបាលនៃក្រុមហ៊ុនផ្សារមូលបត្រកម្ពុជា បានដឹកនាំពិធីបើកនៃអង្គវេទិកាក្រុមហ៊ុនចុះបញ្ជីប្រចាំឆ្នាំនេះ ដោយមានការចូលរួមពីឯកឧត្តមតំណាងក្រសួងសេដ្ឋកិច្ច និង ហិរញ្ញវត្ថុ, ក្រសួងពាណិជ្ជកម្ម, ក្រសួងសាធារណការ និង ដឹកជញ្ជូន, ក្រសួងឧស្សាហកម្ម និង សិប្បកម្ម, គណៈកម្មការមូលបត្រកម្ពុជា, ក្រុមហ៊ុនផ្សារមូលបត្រកម្ពុជា, តំណាងស្ថាប័នហិរញ្ញវត្ថុ, ក្រុមហ៊ុនវិនិយោគ, វិនិយោគិនស្ថាប័ន, វិនិយោគិនរូបវ័ន្ត និង សាធារណជនប្រមាណ ២៣០ នាក់ ។ វេទិកានេះ ត្រូវបានរៀបចំឡើងក្នុងគោលបំណងបង្កើនទំនុកចិត្តរបស់វិនិយោគិនមកលើក្រុមហ៊ុនចុះបញ្ជី ហើយ ជាយុទ្ធនាការផ្សព្វផ្សាយ និង កសាងបណ្តាញទំនាក់ទំនងជាមួយវិនិយោគិន និង ជួយជំរុញដល់ដំណើរទីផ្សារឱ្យមាន កំណើនកាន់ខ្ពស់ ហើយត្រូវបានគាំទ្រយ៉ាងឱឡារិកពីភ្ញៀវកិត្តិយសដែលជាវិនិយោគិន និង វិនិយោគិនសក្តានុពល យ៉ាងច្រើនកុះករ ។ ក្នុងវេទិកានេះ សាធារណជនឤចជួប និង សួរសំណួរដោយផ្ទាល់ជាមួយថ្នាក់ដឹកនាំក្រុមហ៊ុនចុះបញ្ជី ដើម្បីស្វែងយល់ពីស្ថានភាពឤជីវកម្ម និង ផែនការអភិវឌ្ឍក្រុមហ៊ុន ដែលនេះកត្តាសំខាន់សម្រាប់ឱ្យវិនិយោគិន បានយល់ដឹង ទទួលព័ត៌មាន និង សម្រេចចិត្តធ្វើការវិនិយោគទៅលើក្រុមហ៊ុនចុះបញ្ជី ។ ថ្លែងបើកក្នុងកម្មវិធីនេះ ឯកឧត្តមបណ្ឌិតសភាចារ្យ ហ៊ាន សាហ៊ីប បានមានប្រសាសន៍ថា ការអភិវឌ្ឍទីផ្សារ   មូលបត្រពិតជាត្រូវការការចូលរួមពីវិនិយោគិន ហើយកត្តាដែលជំរុញឱ្យវិនិយោគិនសម្រេចចិត្តវិនិយោគ គឺទំនុកចិត្ត ។ […]

READ MORE

4

Jul, 2019

កិច្ចប្រជុំពិនិត្យពិភាក្សា និងតាមដានវឌ្ឍនភាពការងារពាក់ព័ន្ធការសាងសង់អគាររដ្ឋបាលខេត្តព្រៃវែង

By: | Tags: | Comments: 0

នាព្រឹកថ្ងៃទី ០៤ ខែ កក្កដា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំពិនិត្យពិភាក្សា និងតាមដានវឌ្ឍនភាពការងារពាក់ព័ន្ធការសាងសង់អគាររដ្ឋបាលខេត្តព្រៃវែង មានសាលប្រជុំ និងហេដ្ឋារចនាសម្ព័ន្ធជុំវិញរដ្ឋបាលខេត្តព្រៃវែង ដោយមានការចូលរួមពីសំណាក់តំណាងអគ្គនាយកដ្ឋានថវិកា, អគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ និងអគ្គនាយកដ្ឋានលទ្ធកម្មសាធារណៈ។

READ MORE