9

Sep, 2019

ពិធីបើកវគ្គបណ្ដុះបណ្ដាល និងវិក្រឹតការស្ដីពី វិធាន និងបទប្បញ្ញត្តិ ស្ដីពីលទ្ធកម្មសាធារណៈ

By: | Tags: | Comments: 0

នាព្រឹកថ្ងៃទី ០៩ ខែ កញ្ញា ឆ្នាំ ២០១៩ នេះ ក្រសួងសេដ្ឋកិច្ចនិងហិរញ្ញវត្ថុ មានរៀបចំពិធីបើកវគ្គបណ្ដុះបណ្ដាល និងវិក្រឹតការស្ដីពី វិធាន និងបទប្បញ្ញត្តិ ស្ដីពីលទ្ធកម្មសាធារណៈ ក្រោមអធិបតីភាពឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពរបស់ក្រសួងសេដ្ឋកិច្ចនិងហិរញ្ញវត្ថុ ដើម្បីផ្សព្វផ្សាយជូនដល់សិក្ខាកាមគោលដៅជាមន្ត្រីលទ្ធកម្មចំនួន ១៦២ នាក់ មកពីក្រសួងចំនួន ៤ រួមមាន ក្រសួងធនធានទឹក និងឧតុនិយម, ក្រសួងអភិវឌ្ឍន៍ជនបទ, ក្រសួងបរិស្ថាន និងក្រសួងសង្គមកិច្ច អតីតយុទ្ធជន និងយុវនីតិសម្បទា។ វគ្គបណ្ដុះបណ្ដាលនេះ មានគោលបំណងពង្រឹង ពង្រីកសមត្ថភាព និងលើកកម្ពស់ការយល់ដឹងរបស់សិក្ខាកាម ដើម្បីរួមចំណែកអនុវត្តការកែទម្រង់ហិរញ្ញវត្ថុសាធារណៈឱ្យសម្រេចបានប្រកបដោយប្រសិទ្ធភាព និងចីរភាព។

READ MORE

6

Sep, 2019

កិច្ចប្រជុំបន្តពិភាក្សាលើសេចក្តីព្រាងច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស

By: | Tags: | Comments: 0

នៅព្រឹកថ្ងៃទី ៦ ខែ កញ្ញា ឆ្នាំ ២០១៩ នាទីស្តីការក្រសួងសេដ្ឋកិច្ច និង ហិរញ្ញវត្ថុ មានរៀបចំកិច្ចប្រជុំបន្តពិភាក្សាលើសេចក្តីព្រាងច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស ។ កិច្ចប្រជុំនេះ ត្រូវបានដឹកនាំសម្របសម្រួលដោយឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និង ជាប្រធានក្រុមការងារចូលរួមរៀបចំច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស ដោយ មានការចូលរួមពីថ្នាក់ដឹកនាំ និង មន្ត្រីជំនាញពីអគ្គនាយកដ្ឋានពាក់ព័ន្ធជាច្រើនរូប ។ កិច្ចប្រជុំនេះបានបន្តពិនិត្យពិភាក្សាលើទិដ្ឋភាពសំខាន់ៗ ពិសេសពាក់ព័ន្ធនឹងទម្រង់នៃការលើកទឹកចិត្តវិនិយោគ ដែលនឹងត្រូវដាក់បញ្ចូលក្នុងច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស និង ពិនិត្យមើលបន្ថែមអំពីការផ្សារភ្ជាប់គ្នាទៅនឹងច្បាប់ផ្សេងៗទៀត ។

READ MORE

5

Sep, 2019

កិច្ចប្រជុំត្រួតពិនិត្យការអនុវត្តថវិកាពាក់កណ្តាលឆ្នាំ ២០១៩ របស់ក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

នារសៀលថ្ងៃទី ០៥ ខែ កញ្ញា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារថវិកាកម្រិតថ្នាក់ដឹកនាំអង្គភាពថវិកា បានដឹកនាំសម្របសម្រួលកិច្ចប្រជុំត្រួតពិនិត្យការអនុវត្តថវិកាពាក់កណ្តាលឆ្នាំ ២០១៩ របស់ក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីតំណាងក្រុមការងារថវិកា ទាំងថ្នាក់កណ្តាល និងថ្នាក់មូលដ្ឋានក្រោមឱវាទក្រសួង។ កិច្ចប្រជុំនេះ ត្រូវបានរៀបចំឡើងបន្ទាប់ពីមានការសម្របសម្រួល ពិនិត្យ និងបូកសរុបរបស់អគ្គលេខាធិការដ្ឋាន ក្នុងនាមជាក្រុមការងារថវិកាកម្រិតបច្ចេកទេស នៃក្រសួងសេដ្ឋកិច្ចនិងហិរញ្ញវត្ថុ ដោយអនុលោមតាមគោលការណ៍ណែនាំស្តីពីនីតិវិធីអនុវត្តថវិកាកម្មវិធី ដោយត្រូវបានរៀបចំឡើងក្នុងគោលបំណង ៖ ១. តាមដាននិងរាយការណ៍ជូនថ្នាក់ដឹកនាំ អំពីវឌ្ឍនភាពដែលអង្គភាពក្រោមឱវាទក្រសួង សម្រេចបាន នៅពាក់កណ្តាលឆ្នាំ២០១៩ ដោយផ្តោតសំខាន់លើទិដ្ឋភាពហិរញ្ញវត្ថុ និងទិដ្ឋភាពសមិទ្ធកម្ម ២. កំណត់បញ្ហាប្រឈម និងស្នើដាក់ចេញនូវវិធានការដោះស្រាយ ដើម្បីជំរុញការអនុវត្តការងារសម្រាប់ឆមាសទី២ និងឆ្នាំបន្ទាប់ ឱ្យកាន់តែរលូន និងសម្រេចបានតាមគោលដៅដែលបានដាក់ចេញ ៣. បំពេញតាមលក្ខខណ្ឌតម្រូវនៃបទប្បញ្ញត្តិគតិយុត្តពាក់ព័ន្ធថវិកាកម្មវធី ជាធរមាន។ ជារួម សម្រាប់ការអនុវត្តថវិកា នាពាក់កណ្តាលឆ្នាំ ២០១៩ នេះ មានការវិវត្តល្អមួយកម្រិត បើធៀបនឹងការអនុវត្តថវិកានាបណ្តាឆ្នាំកន្លងមក ទាំងសម្រាប់អង្គភាពថវិកាថ្នាក់កណ្តាល និងមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត។ ទន្ទឹមនឹងមានវឌ្ឍនភាពល្អប្រសើរនេះ លទ្ធផលនៃការត្រួតពិនិត្យការអនុវត្តថវិកាពាក់កណ្តាលឆ្នាំ ២០១៩ ក៏បានបង្ហាញឱ្យឃើញនូវកិច្ចការប្រឈមមួយចំនួនក្នុងការអនុវត្តថវិការបស់ក្រសួង ក្នុងក្របខណ្ឌនៃថវិកាកម្មវិធី ដែលទាមទារឱ្យមានវិធានការកែលម្អ ព្រមទាំងពង្រឹងសមត្ថភាពមន្ត្រីទទួលបន្ទុកបន្ថែម (ជាពិសេសអង្គភាពថវិកាថ្មី) ដោយទាមទារឱ្យគ្រប់ភាគីពាក់ព័ន្ធ ត្រូវបន្តរកដំណោះស្រាយសម្រាប់ជំហានបន្ទាប់។

READ MORE

5

Sep, 2019

កិច្ចប្រជុំពិនិត្យពិភាក្សាអំពីបញ្ហាប្រឈម និងលើកទិសដៅសម្រាប់អនុវត្តការងារលើការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋរបស់ក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

នាព្រឹកថ្ងៃទី ៥ ខែ កញ្ញា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានគណៈកម្មការបញ្ជីសារពើភណ្ឌទ្រព្យសម្បត្តិរដ្ឋ ប្រចាំក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំពិនិត្យពិភាក្សាអំពីបញ្ហាប្រឈម និងលើកទិសដៅសម្រាប់អនុវត្តការងារលើការគ្រប់គ្រងបញ្ជីសារពើភណ្ឌទ្រព្យសម្បត្តិរដ្ឋរបស់ក្រសួងសេដ្ឋកិច្ចនិងហិរញ្ញវត្ថុ ដោយមានការអញ្ជើញចូលរួមពីតំណាងអគ្គនាយកដ្ឋានទ្រព្យរដ្ឋនិងចំណូលមិនមែនសារពើពន្ធ, អគ្គនាយកដ្ឋានគយនិងរដ្ឋាករកម្ពុជា, អគ្គនាយកដ្ឋានពន្ធដារ ព្រមទាំងសមាជិកសមាជិកានៃគណៈកម្មការ។ កិច្ចប្រជុំនេះ មានគោលបំណងដើម្បីពិនិត្យអំពីបញ្ហាប្រឈមមួយចំនួនក្នុងការប្រើប្រាស់និងគ្រប់គ្រងទ្រព្យសម្បត្តិរដ្ឋរបស់ក្រសួង។ ជាលទ្ធផល ឯកឧត្តមប្រធានអង្គប្រជុំ បានពិភាក្សានិងផ្តល់ដំណោះស្រាយចំពោះបញ្ហាប្រឈមជាក់លាក់មួយចំនួន និងណែនាំដល់អង្គភាពប្រើប្រាស់ ព្រមទាំងអង្គភាពគ្រប់គ្រង បន្តផ្សព្វផ្សាយ ណែនាំ និងជំរុញការអនុវត្តលិខិតបទដ្ឋានគតិយុត្តពាក់ព័ន្ធ សំដៅពង្រឹងការប្រើប្រាស់និងគ្រប់គ្រងទ្រព្យសម្បត្តិរដ្ឋឱ្យមានប្រសិទ្ធភាព ។

READ MORE

4

Sep, 2019

កិច្ចប្រជុំ ដើម្បីពិនិត្យពិភាក្សា លើការសិក្សាស្តីពីការលើកទឹកចិត្តចំពោះគម្រោងវិនិយោគផ្គុំ និង ដំឡើងរថយន្តនៅកម្ពុជា

By: | Tags: | Comments: 0

នារសៀលថ្ងៃទី ៤ ខែ កញ្ញា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ បានដឹកនាំកិច្ចប្រជុំ ដើម្បីពិនិត្យពិភាក្សា លើការសិក្សាស្តីពីការលើកទឹកចិត្តចំពោះគម្រោងវិនិយោគផ្គុំ និង ដំឡើងរថយន្តនៅកម្ពុជា ។ កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំ, តំណាងអគ្គនាយដ្ឋាន និងអង្គភាពពាក់ព័ន្ធក្រោមឱវាទក្រសួងសេដ្ឋសេដ្ឋកិច្ចនិងហិរញ្ញវត្ថុ ដើម្បីពិនិត្យទៅលើទិដ្ឋភាពសេដ្ឋកិច្ច ចំណូល និង បរិយាកាសវិនិយោគ ។

READ MORE

3

Sep, 2019

កិច្ចប្រជុំពិនិត្យពិភាក្សាលើសំណើសុំលើកលែងពន្ធ របស់តំបន់សេដ្ឋកិច្ចពិសេសក្រុងព្រះសីហនុ

By: | Tags: | Comments: 0

នារសៀលថ្ងៃទី ៣ ខែ កញ្ញា ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ បានដឹកនាំកិច្ចប្រជុំ ដើម្បីពិនិត្យពិភាក្សាលើសំណើសុំលើកលែងពន្ធ របស់តំបន់សេដ្ឋកិច្ចពិសេសក្រុងព្រះសីហនុ ។ កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំ, តំណាងអគ្គនាយដ្ឋាន និងអង្គភាពពាក់ព័ន្ធក្រោមឱវាទក្រសួងសេដ្ឋសេដ្ឋកិច្ចនិងហិរញ្ញវត្ថុ ដើម្បីពិនិត្យទៅលើទិដ្ឋភាពច្បាប់ និង ការអភិវឌ្ឍរបស់តំបន់សេដ្ឋកិច្ចពិសេសជាក់ស្តែង សំដៅជួយសម្របសម្រួលនិងបន្តបង្កើនបរិយាកាសល្អប្រសើរដល់អ្នកវិនិយោគដែលផ្តល់តម្លៃបន្ថែមខ្ពស់ដល់សេដ្ឋកិច្ចកម្ពុជា ។

READ MORE

2

Sep, 2019

ពិធីបើកវគ្គបណ្តុះបណ្តាលស្តីពី “វិធាន និងបទប្បញ្ញត្តិស្តីពីលទ្ធកម្មសាធារណៈ” ជូនមន្ត្រីគ្រប់គ្រងកិច្ចលទ្ធកម្ម ចំនួន ១៥៦ នាក់ មកពីក្រសួងចំនួន ៤

By: | Tags: | Comments: 0

នាព្រឹកថ្ងៃទី ២ ខែ កញ្ញា ឆ្នាំ ២០១៩ នៅសណ្ឋាគារហ្គាឌិនស៊ីធី រាជធានីភ្នំពេញ, ក្រសួងសេដ្ឋកិច្ចនិងហិរញ្ញវត្ថុ បានបើកវគ្គបណ្តុះបណ្តាលស្តីពី “វិធាន និងបទប្បញ្ញត្តិស្តីពីលទ្ធកម្មសាធារណៈ” ជូនមន្ត្រីគ្រប់គ្រងកិច្ចលទ្ធកម្ម ចំនួន ១៥៦ នាក់ មកពីក្រសួងចំនួន ៤ គឺក្រសួងការបរទេសនិងសហប្រតិបត្តិការអន្តរជាតិ, ក្រសួងសាធារណការនិងដឹកជញ្ជូន, ក្រសួងរៀបចំដែនដី នគរូបនីយកម្ម និងសំណង់ និង ក្រសួងពាណិជ្ជកម្ម ក្នុងគោល​បំណង​ពង្រឹង ពង្រីកសមត្ថភាព និង លើកកម្ពស់ការយល់ដឹង សម្រាប់ចូលរួមអនុវត្តការកែ​​ទម្រង់ការ​គ្រប់គ្រងហិរញ្ញវត្ថុសាធារណៈ ដំណាក់កាលទី ៣ ឱ្យ​សម្រេ​ច​បាន​ជោគ​​ជ័យ​​ ប្រកបដោយប្រសិទ្ធិភាព និង តម្លាភាព សម្រាប់ការអភិវឌ្ឍសង្គម-សេដ្ឋកិច្ចជាតិ ។ ពិធីបើកវគ្គ​បណ្តុះ​បណ្តាល​នេះ​ប្រព្រឹត្តទៅក្រោមអធិបតីភាព ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខា​ធិកា​រ​​ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារកសាងសមត្ថភាពរបស់ក្រសួងសេដ្ឋកិច្ចនិងហិរញ្ញវត្ថុ ។ វគ្គ​បណ្តុះ​បណ្តាល​នេះ ​មានរយៈពេល ៣ ថ្ងៃ គឺពីថ្ងៃទី ២ ដល់ថ្ងៃទី ៤ ខែ កញ្ញា ឆ្នាំ ២០១៩ ។ ថ្លែងក្នុងពិធីនោះ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ ក្រសួង​សេដ្ឋកិច្ច​​និងហិរញ្ញវត្ថុបានបញ្ជាក់ថាកម្មវិធី កែទម្រង់ការគ្រប់គ្រងសាធារណៈ ត្រូវបានដាក់អោយអនុវត្តជាផ្លូវការក្នុងឆ្នាំ ២០០៤ ដោយរាជរដ្ឋាភិបាលកម្ពុជា ហើយសម្រេចបាននូវសមិទ្ធផលសំខាន់ៗជាសារវន្ត ជាពិសេសសម្រេចបាននូវ ភាពជឿទុកចិត្តបាននៃថវិកា ក្នុងដំណាក់កាលទី ១ និង គណ–    នេយ្យភាពហិរញ្ញវត្ថុ នៅក្នុងដំណាក់កាលទី២ ។ បច្ចុប្បន្ន, ការអនុវត្តការកែទម្រង់ការគ្រប់គ្រងហិរ​ញ្ញ​វ​ត្ថុ​សាធារណៈ កំពុងស្ថិតនៅក្នុងដំណាក់កាលទី៣ ក្នុងគោលដៅបង្កើន éការផ្សារភ្ជាប់ថវិកាទៅនឹងគោលនយោបាយê អាទិភាពរបស់រាជរដ្ឋាភិបាល ដែលនឹងត្រូវបញ្ចប់នៅឆ្នាំ ២០២០, មុននឹងឈានទៅអនុវត្តដំណាក់កាលទី ៤ (២០២១-២០២៥) […]

READ MORE

29

Aug, 2019

កិច្ចប្រជុំបន្តពិភាក្សាលើសេចក្តីព្រាងច្បាប់ស្តីពីវិនិយោគ និងច្បាប់ស្តីពីតំបន់សេដ្ឋកិច្ចពិសេស ដឹកនាំដោយឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និង ជាប្រធានក្រុមការងារចូលរួមរៀបចំច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស

By: | Tags: | Comments: 0

នៅរសៀលថ្ងៃទី ២៩ ខែ សីហា ឆ្នាំ ២០១៩ នាទីស្តីការក្រសួងសេដ្ឋកិច្ច និង ហិរញ្ញវត្ថុ មានរៀបចំកិច្ចប្រជុំបន្តពិភាក្សាលើសេចក្តីព្រាងច្បាប់ស្តីពីវិនិយោគ និងច្បាប់ស្តីពីតំបន់សេដ្ឋកិច្ចពិសេស ដឹកនាំដោយឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និង ជាប្រធានក្រុមការងារចូលរួមរៀបចំច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស ដោយមានការចូលរួមពីសំណាក់ថ្នាក់ដឹកនាំក្រសួង និងតំណាងអគ្គនាយកដ្ឋាននិងអង្គភាពដែលមានសមាសភាពមកពីអគ្គនាយកដ្ឋានគយនិងរដ្ឋាករកម្ពុជា,អគ្គនាយកដ្ឋានពន្ធដារ, អគ្គនាយកដ្ឋានគោលនយោបាយ, អគ្គនាយកដ្ឋានថវិកា, អគ្គនាយកដ្ឋានទ្រព្យសម្បត្តិរដ្ឋនិងមិនមែនសារពើពន្ធ និងលេខាធិការដ្ឋានក្រុមប្រឹក្សានីតិកម្ម ក្នុងនាមជាសមាជិកក្រុមការងារ។ កិច្ចប្រជុំនេះមានគោលបំណងពិនិត្យពិភាក្សាលើទិដ្ឋភាពសំខាន់ៗ ពិសេសពាក់ព័ន្ធនឹងទម្រង់នៃការលើកទឹកចិត្តវិនិយោគ ដែលនឹងត្រូវដាក់បញ្ចូលក្នុងច្បាប់ស្តីពីវិនិយោគ និង ច្បាប់ស្តីពីតំបន់សេដ្ឋកិច្ចពិសេស ។

READ MORE

29

Aug, 2019

ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានទទួលជួបគណៈប្រតិភូតំណាងមូលនិធិរូបិយវត្ថុអន្តរជាតិហៅកាត់ថា IMF ក្នុងខណៈពេលដែលតំណាង IMF នឹងត្រូវបញ្ចប់ការបំពេញបេសកកម្មរបស់ខ្លួនជាលើកទី ៩ ក្នុងការចុះជួយគាំទ្រដល់ការអនុវត្តគម្រោង FMIS នៅកម្ពុជា

By: | Tags: | Comments: 0

នៅរសៀលថ្ងៃទី២៩ ខែសីហា ឆ្នាំ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការនៃក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានទទួលជួបគណៈប្រតិភូតំណាងមូលនិធិរូបិយវត្ថុអន្តរជាតិហៅកាត់ថា IMF ក្នុងខណៈពេលដែលតំណាង IMF នឹងត្រូវបញ្ចប់ការបំពេញបេសកកម្មរបស់ខ្លួនជាលើកទី ៩ ក្នុងការចុះជួយគាំទ្រដល់ការអនុវត្តគម្រោង FMIS នៅកម្ពុជា ។ នៅក្នុងជំនួបនេះផងដែរ តំណាងមូលនិធិរូបិយវត្ថុអន្តរជាតិ បានកោតសរសើរដល់ក្រុមការងារគ្រប់គ្រងគម្រោង FMIS ជាពិសេសដល់លេខាធិការដ្ឋានក្រុមការងារ ដែលខិតខំធ្វើការងារយ៉ាងយកចិត្តទុកដាក់ និងមោះមុត ដើម្បីសម្រចតាមផែនការដែលបានគ្រោងទុក ពោលគឺការប្រែក្លាយប្រព័ន្ធ FMIS ឱ្យក្លាយជាប្រព័ន្ធតែមួយគត់ក្នុងការកត់ត្រាប្រតិបត្តិការហិរញ្ញវត្ថុ និងថវិកានៅទូទាំងប្រទេសកម្ពុជា នៅមុនឆ្នាំ ២០២៥ ។ ស្របពេលជាមួយគ្នានេះដែរ ឯកឧត្តមបណ្ឌិតសភាចារ្យ ហ៊ាន សាហ៊ីប បានថ្លែងអំណរគុណដល់មូលនិធិរូបិយវត្ថុអន្តរជាតិ ដែលជានិច្ចជាកាលតែងតែផ្តល់ជំនួយគាំទ្រទាំងផ្នែកថវិកា និងបច្ចេកទេស ដល់ការអនុវត្តគម្រោង FMIS នៅកម្ពុជា ។ ឯកឧត្តមបណ្ឌិតសភាចារ្យ ក៏បានជូនពរតំណាងមូលនិធិរូបិយវត្ថុអន្តរជាតិ ទទួលបាននូវភាពជោគជ័យសម្រាប់ការបំពេញភារកិច្ចថ្មីបន្តទៀត ។

READ MORE

26

Aug, 2019

ពិធីបើកវគ្គបណ្តុះបណ្តាលកម្រិតមូលដ្ឋានសម្រាប់គ្រូបង្គោលស្តីពី “ការពង្រឹងអភិបាលកិច្ចនៃហិរញ្ញវត្ថុការប្រែប្រួលអាកាសធាតុ ដើម្បីពង្រឹងសមភាពយេនឌ័រ”

By: | Tags: | Comments: 0

នាព្រឹកថ្ងៃទី ២៦ ខែ សីហា ឆ្នាំ ២០១៩ នៅវិទ្យាស្ថានសេដ្ឋកិច្ចនិងហិរញ្ញវត្ថុ មានរៀបចំពិធីបើកវគ្គបណ្តុះបណ្តាលកម្រិតមូលដ្ឋានសម្រាប់គ្រូបង្គោលស្តីពី “ការពង្រឹងអភិបាលកិច្ចនៃហិរញ្ញវត្ថុការប្រែប្រួលអាកាសធាតុ ដើម្បីពង្រឹងសមភាពយេនឌ័រ” ដែលសហការរៀបចំដោយវិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ និងកម្មវិធីអភិវឌ្ឍន៍សហប្រជាជាតិ ។

READ MORE