17

Feb, 2019

សេចក្ដីជូនដំណឹងស្ដីពីលទ្ធផលនៃការប្រឡងប្រជែងជ្រើសរើសបេក្ខជនចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ សម័យប្រឡង ថ្ងៃទី១០ ខែកុម្ភៈ ឆ្នាំ២០១៩ នៅមណ្ឌលប្រឡងសាកលវិទ្យាល័យភូមិន្ទភ្នំពេញ

By: | Tags: | Comments: 0

សេចក្ដីជូនដំណឹងស្ដីពីលទ្ធផលនៃការប្រឡងប្រជែងជ្រើសរើសបេក្ខជនចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ សម័យប្រឡង ថ្ងៃទី១០ ខែកុម្ភៈ ឆ្នាំ២០១៩  នៅមណ្ឌលប្រឡងសាកលវិទ្យាល័យភូមិន្ទភ្នំពេញ ។

READ MORE

13

Feb, 2019

កិច្ចប្រជុំពិភាក្សាការងារអំពីវឌ្ឍនភាពនៃការអនុវត្តការបណ្តុះបណ្តាល សំដៅគាំទ្រនិងពង្រឹងកិច្ចសហប្រតិបត្តិការផ្តល់ជំនួយបច្ចេកទេសបន្ថែមសម្រាប់ការងារកសាងសមត្ថភាពមន្ត្រីរាជការ

By: | Tags: | Comments: 0

នារសៀលថ្ងៃទី ១៣ ខែ កុម្ភៈ ឆ្នាំ ២០១៩ នៅទីស្តីការក្រសួងសេដ្ឋកិច្ច និង ហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារគ្រប់គ្រងគម្រោង FMIS បានដឹកនាំកិច្ចប្រជុំពិភាក្សាជាមួយលោក David Cowen ប្រធានផ្នែកអភិវឌ្ឍសមត្ថភាពរបស់មូលនិធិរូបិយវត្ថុអន្តរជាតិ (IMF) ប្រចាំប្រទេសថៃ និងលោកស្រី Yong Sarah Zhou តំណាង IMF ប្រចាំកម្ពុជា ព្រមទាំងក្រុមជំនាញការ IMF ដោយមានការចូលរួមពីនាយកវិទ្យាស្ថានសេដ្ឋកិច្ចនិងហិរញ្ញវត្ថុ និងអនុប្រធានប្រចាំការនៃក្រុមការងារ FMIS ដើម្បីពិភាក្សាការងារអំពីវឌ្ឍនភាពនៃការអនុវត្តការបណ្តុះបណ្តាល សំដៅគាំទ្រនិងពង្រឹងកិច្ចសហប្រតិបត្តិការផ្តល់ជំនួយបច្ចេកទេសបន្ថែមសម្រាប់ការងារកសាងសមត្ថភាពមន្ត្រីរាជការ។ កិច្ចប្រជុំនេះ ក៏បានពិភាក្សាលើកិច្ចការគន្លឹះៗមួយចំនួនក្នុងការអនុវត្តគម្រោង និង បានបង្ហាញអំពីផែនការបន្តគាំទ្រការក្នុងបេសកកម្មបន្តបន្ទាប់ សំដៅគាំទ្រនិងពង្រឹងកិច្ចសហប្រតិបត្តិការផ្តល់ជំនួយបច្ចេកទេសបន្ថែម ពាក់ព័ន្ធការងារ FMIS ក៏ដូចជាពង្រឹងសមត្ថភាពបន្ថែមសម្រាប់ធនធានមនុស្សរបស់កម្ពុជា។

READ MORE

11

Feb, 2019

កិច្ចប្រជុំពិនិត្យពិភាក្សារកដំណោះស្រាយលើបញ្ហាប្រឈមនានាពាក់ព័ន្ធការអនុវត្តការងាររបស់មន្ទីរសេដ្ឋកិច្ចនិងហិរញ្ញវត្ថុ

By: | Tags: | Comments: 0

នារសៀលថ្ងៃទី ១១ ខែ កុម្ភៈ ឆ្នាំ ២០១៩ នៅទីស្តីការក្រសួងសេដ្ឋកិច្ចនិងហិរញ្ញវត្ថុ,ឯកឧត្តមបណ្ឌិតសភាចារ្យ ហ៊ានសាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំពិនិត្យពិភាក្សារកដំណោះស្រាយលើបញ្ហាប្រឈមនានាពាក់ព័ន្ធការអនុវត្តការងាររបស់មន្ទីរសេដ្ឋកិច្ចនិងហិរញ្ញវត្ថុ ដោយមានការចូលរួមពីអគ្គនាយកដ្ឋាន និងអង្គភាពពាក់ព័ន្ធក្រោមឱវាទក្រសួង ព្រមទាំងតំណាងមន្ទីរសេដ្ឋកិច្ចនិងហិរញ្ញវត្ថុរាជធានី-ខេត្តទូទាំងប្រទេស។ កិច្ចប្រជុំនេះ មានគោលបំណងពិនិត្យពិភាក្សានិងដោះស្រាយបញ្ហាសេសសល់ដែលតំណាងមន្ទីរ សហវ. រាជធានី-ខេត្ត បានលើកឡើងក្នុងកិច្ចប្រជុំពិនិត្យវឌ្ឍនភាពការងារមន្ទីរ សហវ ប្រចាំឆ្នាំ២០១៨ និងកំណត់ទិសដៅបន្តសម្រាប់ឆ្នាំ២០១៩ កាលពីថ្ងៃទី២២ ខែមករា ឆ្នាំ២០១៩ កន្លងទៅនេះ។ ជាលទ្ធផលអង្គប្រជុំបានសម្រេចកំណត់យន្តការដោះស្រាយជាក់លាក់លើកិច្ចប្រឈមមួយចំនួន ដូចជា នីតិវិធី នៃការអនុវត្តថវិកា, ការអនុវត្តកិច្ចលទ្ធកម្ម,ការប្រមូលចំណូលសាធារណៈ និងការអនុវត្តថវិកាក្នុងប្រព័ន្ធ FMIS ។ ដោយឡែក បញ្ហាពាក់ព័ន្ធនឹងការវិភាជន៍ថវិកាប្រចាំឆ្នាំ, ការគ្រប់គ្រងទ្រព្យសម្បត្តិរដ្ឋ និងរចនាសម្ព័ន្ធគ្រប់គ្រងរដ្ឋបាលនិងបុគ្គលិក នឹងត្រូវប្រជុំដោះស្រាយក្នុងកិច្ចប្រជុំដោយឡែកមួយទៀត នាពេលដ៏ខ្លីខាងមុខ ។

READ MORE

25

Jan, 2019

សេចក្ដីជូនដំណឹងស្ដីពីការប្រឡងប្រជែងជ្រើសរើសបេក្ខជន ចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

សេចក្ដីជូនដំណឹងស្ដីពីការប្រឡងប្រជែងជ្រើសរើសបេក្ខជន ចូលបម្រើការងារនៅអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ ទាញយកបញ្ជីឈ្មោះបេក្ខជន  

READ MORE

27

Dec, 2018

កិច្ចប្រជុំពិគ្រោះយោបល់ ដើម្បីពិភាក្សា និងប្រមូលធាតុចូលបន្ថែមលើសេចក្តីព្រាងឯកសារចក្ខុវិស័យកម្ពុជាឆ្នាំ ២០៥០ ក្នុងកម្រិតថ្នាក់ដឹកនាំគោលនយោបាយ និងថ្នាក់ដឹកនាំបច្ចេកទេស តំណាងរដ្ឋបាលរាជធានី-ខេត្តទាំងអស់ នៃព្រះរាជាណាចក្រកម្ពុជា

By: | Tags: | Comments: 0

នាព្រឹកថ្ងៃទី ២៧ ខែ ធ្នូ ឆ្នាំ ២០១៨ នៅទីស្តីការឧត្តមក្រុមប្រឹក្សាសេដ្ឋកិច្ចជាតិ (កបស) មានរៀបចំកិច្ចប្រជុំពិគ្រោះយោបល់ ដើម្បីពិភាក្សា និងប្រមូលធាតុចូលបន្ថែមលើសេចក្តីព្រាងឯកសារចក្ខុវិស័យកម្ពុជាឆ្នាំ ២០៥០ ក្នុងកម្រិតថ្នាក់ដឹកនាំគោលនយោបាយ និងថ្នាក់ដឹកនាំបច្ចេកទេស តំណាងរដ្ឋបាលរាជធានី-ខេត្តទាំងអស់ នៃព្រះរាជាណាចក្រកម្ពុជា។ កិច្ចប្រជុំនេះប្រព្រឹត្តទៅក្រោមការដឹកនាំសម្របសម្រួលដោយ ឯកឧត្តមបណ្ឌិតសភាចារ្យ   ហ៊ាន សាហ៊ីប អនុប្រធានប្រចាំការ កបស និងជាប្រធានក្រុមការងារដឹកនាំរៀបចំឯកសារគោលនយោបាយនិងយុទ្ធសាស្ត្ររបស់រាជរដ្ឋាភិបាល នីតិកាលទី៦ នៃរដ្ឋសភា។ គោលបំណងចម្បងនៃការប្រជុំពិគ្រោះយោបល់នេះ ដើម្បីទទួលមតិយោបល់កែលម្អបន្ថែម សំដៅពិនិត្យ និងសម្រួចឱ្យបានកាន់តែល្អប្រសើរលើឯកសារនេះ និងជំរុញគុណភាពនៃការផលិតឯកសារនេះ កាន់តែមានសង្គតិភាព ប្រសិទ្ធភាព និងស្តង់ដារ ហើយស្ថាប័នទាំងអស់ក៏មានលទ្ធភាពក្នុងការផ្សារភ្ជាប់ខ្លួនក្នុងការអនុវត្តចក្ខុវិស័យកម្ពុជា ឱ្យសម្រេចបានជោគជ័យ ស្របតាមកាលានុវត្តន៍ និងឧត្តមានុវត្តន៍ជាអន្តរជាតិ។ ជាក់ស្តែង ក្រោយពីសេចក្តីព្រាងត្រូវបានរៀបចំរួចរាល់ ក្រុមការងារនៃ កបស បានដាក់ដាក់ឯកសារនេះ ឆ្លងការពិគ្រោះយោបល់ចំនួន ៣ លើករួចមកហើយ គឺជាមួយរាជបណ្ឌិត្យសភាកម្ពុជា, សហភាពសហព័ន្ធយុវជនកម្ពុជា និងក្រសួង-ស្ថាប័នទាំង ៣០ របស់រាជរដ្ឋាភិបាល។ គោលបំណងយុទ្ធសាស្ត្រនៃការរៀបចំឯកសារចក្ខុវិស័យជាតិនេះ គឺឆ្លុះបញ្ចាំងពីបំណងប្រាថ្នាដ៏ឧត្តុង្គឧត្តមរបស់សម្តេចអគ្គមហាសេនាបតីតេជា ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏ដូចជាប្រជាជនកម្ពុជាទាំងមូល ក្នុងការប្រែក្លាយកម្ពុជាជាប្រទេសមានចំណូលខ្ពស់នៅឆ្នាំ ២០៥០ ព្រមទាំងកំណត់មហិច្ឆិតាថា នៅដំណាច់ឆ្នាំ២០៥០ កម្ពុជានឹងក្តាប់យកមកវិញនូវមោទនភាពជាតិដែលធ្លាប់រុងរឿងពីអតីតកាល ជាមួយនឹងការកសាងជាតិទំនើបមួយដ៏រស់រវើក; ជារដ្ឋរឹងមាំ ប្រជាធិបតេយ្យ និងបូរណភាពទឹកដីពេញលេញ ហើយមានកិត្យានុភាពខ្ពស់ត្រដែត; ស្មើភាពនិងស្មើសិទ្ធិលើឆាកអន្តរជាតិ; ជាប្រទេសមានចំណូលខ្ពស់; មានសេដ្ឋកិច្ចធន់មាំ ប្រកបដោយចីរភាពនិងបរិយាប័ន្ន; ជាប្រទេសដែលប្រជាជនរស់នៅក្នុងសុខសន្តិភាព សេចក្តីថ្លៃថ្នូរ និងសុភមង្គល មានកម្រិតជីវភាពខ្ពស់សមរម្យ និងមានចំណេះដឹងខ្ពស់ប្រកបដោយនវានុវត្តន៍ និងសីលធម៌ប្រពៃ; ទទួលបានយុត្តិធម៌សង្គម, ស្មើសិទ្ធិនិងស្មើឱកាសក្នុងសង្គមជាតិ; ព្រមទាំងមានអត្តសញ្ញាណជាតិដ៏បវរ និងភាពរីកចម្រើនលូតលាស់ក្នុងសង្គម រូបវ័ន្ត និងធម្មជាតិ ប្រកបដោយសុខដុមរម្យនា,វប្បធម៌សម្បូរបែប និងសង្គមបរិយាប័ន្ន។

READ MORE

25

Dec, 2018

កិច្ចប្រជុំពិភាក្សាលើសំណើសុំលើកទឹកចិត្តចំពោះការពង្រីកផលិតកម្មរបស់ក្រុមហ៊ុនវិនិយោគ

By: | Tags: | Comments: 0

នាព្រឹកថ្ងៃទី ២៥ ខែ ធ្នូ ឆ្នាំ ២០១៨ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារសម្រាប់កិច្ចប្រជុំ “ច្រកចេញចូលតែមួយ” បានដឹកនាំកិច្ចប្រជុំពិភាក្សាលើសំណើសុំលើកទឹកចិត្តចំពោះការពង្រីកផលិតកម្មរបស់ក្រុមហ៊ុនវិនិយោគ ដោយមានការចូលរួមពីសំណាក់ ឯកឧត្តមអនុរដ្ឋលេខាធិការក្រសួង, តំណាងអគ្គនាយកដ្ឋានពន្ធដារ, តំណាងអគ្គនាយកដ្ឋានគយ និងរដ្ឋាករកម្ពុជា, តំណាងអគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ, ក្រុមការងារនៃអគ្គនាយកដ្ឋានគោលនយោបាយ និងសមាជិកសមាជិកានៃក្រុមការងារសម្រាប់កិច្ចប្រជុំ “ច្រកចេញចូលតែមួយ”។

READ MORE

24

Dec, 2018

វគ្គបណ្តុះបណ្តាលស្តីពី “ការបញ្រ្ជាបការយល់ដឹងអំពីការប្រើប្រាស់ប្រព័ន្ធ ព័ត៌មានវិទ្យាគ្រប់គ្រងហិរញ្ញវត្ថុសាធារណៈ” ជូនដល់មន្ត្រីរាជការចំនួន ៦០ នាក់ មកពីអាជ្ញាធរសវនកម្មជាតិ

By: | Tags: | Comments: 0

នាព្រឹកថ្ងៃ ២ រោច ខែ មិគសិរ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២៤ ខែ ធ្នូ ឆ្នាំ ២០១៨ នៅសណ្ឋាគាររ៉េស៊ីដង់ សុខាភ្នំពេញ, ក្រសួងសេដ្ឋកិច្ចនិងហិរញ្ញវត្ថុបានរៀបចំវគ្គបណ្តុះបណ្តាលស្តីពី “ការបញ្រ្ជាបការយល់ដឹងអំពីការប្រើប្រាស់ប្រព័ន្ធ ព័ត៌មានវិទ្យាគ្រប់គ្រងហិរញ្ញវត្ថុសាធារណៈ” ជូនដល់មន្ត្រីរាជការចំនួន ៦០ នាក់ មកពីអាជ្ញាធរសវនកម្មជាតិ ។ វគ្គបណ្តុះបណ្តាលនេះ បានសហការរៀបចំដោយវិទ្យាស្ថានសេដ្ឋកិច្ចនិងហិរញ្ញវត្ថុ និងអគ្គនាយកដ្ឋានពាក់ព័ន្ធក្រសួង សេដ្ឋកិច្ចនិងហិរញ្ញវត្ថុ និង អាជ្ញាធរសវនកម្មជាតិ ក្នុងគោលបំណងពង្រឹងសមត្ថភាព និង ការយល់ដឹងបន្ថែម  ពាក់ព័ន្ធនឹងវិធាន និង និតិវិធីនៃការអនុវត្តប្រព័ន្ធព័ត៌មានវិទ្យាគ្រប់គ្រងហិរញ្ញវត្ថុសាធារណៈ (FMIS) ជូនសិក្ខាកាមគោលដៅ ដែលជាមន្ត្រីរាជការនៃអាជ្ញាធរសវនកម្មជាតិ សម្រាប់ត្រៀមអនុវត្តការងារសវនកម្មដោយប្រើប្រាស់ប្រព័ន្ធព័ត៌មានវិទ្យា ឱ្យទទួលបានប្រសិទ្ធភាពខ្ពស់ និង សំដៅជំរុញការចូលរួមអនុវត្ត​ការកែទម្រង់ការគ្រប់គ្រងហិរញ្ញវត្ថុសាធារណៈ ឱ្យប្រព្រឹត្តទៅសម្រេចគោលដៅតាមការគ្រោងទុក ។ ពិធីបើកវគ្គបណ្តុះបណ្តាលនេះ បានប្រព្រឹត្តទៅក្រោមការដឹកនាំរបស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខា-​ធិការ​​ ​នៃក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីសំណាក់ឯកឧត្តម លោកជំទាវ ថ្នាក់ដឹកនាំនៃក្រសួងសេដ្ឋកិច្ចនិងហិរញ្ញវត្ថុ និង អាជ្ញាធរសវនកម្មជាតិជាច្រើនរូបទៀត ។ ថ្លែងក្នុងពិធីនោះ ឯកឧត្តមបណ្ឌិតសភាចារ្យ ហ៊ាន សាហ៊ីប បានគូសបញ្ជាក់ថា កម្មវិធីកែទម្រង់ការគ្រប់គ្រងហិរញ្ញវត្ថុសា-ធារណៈ គឺជាកម្មវិធីកែទម្រង់ស្នូលមួយនៃកម្មវិធីកែទម្រង់សំខាន់ៗរបស់រាជរដ្ឋាភិបាលកម្ពុជា ដើម្បីពង្រឹងអភិបាលកិច្ច និង ធានាប្រសិទ្ធភាពនៃការអនុវត្តថវិកាជាតិ, ទ្រទ្រង់ការអភិវឌ្ឍសេដ្ឋកិច្ចឱ្យប្រកបដោយបរិយាប័ន្ន ដូចបានកំណត់ក្នុងយុទ្ធសាស្រ្ត​ចតុកោណ និង ផែនការយុទ្ធសាស្រ្តអភិវឌ្ឍន៍ជាតិ ។ ជារួម, កម្មវិធីកែទម្រង់ការគ្រប់គ្រងសាធារណៈមានគោលដៅកែលម្អប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ឆ្ពោះទៅកាន់ប្រព័ន្ធហិរញ្ញវត្ថុសាធារណៈ ដែលផ្តោតលើលទ្ធផល/សមិទ្ធកម្ម​ និង    វិមជ្ឈការ ស្របតាមស្តង់ដារអន្តរជាតិ ។ ឯកឧត្តមបណ្ឌិតសភាចារ្យ ក៏បានបញ្ជាក់ទៀតថា បច្ចុប្បន្នការអនុវត្តកម្មវិធីការកែទម្រង់ការគ្រប់គ្រងហិរញ្ញវត្ថុសាធារណៈ កំពុងស្ថិតនៅក្នុងដំណាក់កាលទី​ ៣ ក្នុងគោលដៅបង្កើន “ការផ្សារភ្ជាប់​ថវិកាទៅនឹងគោលនយោបាយ”  ដែល​គ្រោងនឹងបញ្ចប់នៅឆ្នាំ […]

READ MORE

13

Dec, 2018

កិច្ចប្រជុំពិគ្រោះយោបល់ ដើម្បីពិភាក្សា និងប្រមូលធាតុចូលបន្ថែមលើសេចក្តីព្រាងឯកសារចក្ខុវិស័យកម្ពុជាឆ្នាំ ២០៥០

By: | Tags: | Comments: 0

នារសៀលថ្ងៃទី ១៣ ខែ ធ្នូ ឆ្នាំ ២០១៨ នៅទីស្តីការឧត្តមក្រុមប្រឹក្សាសេដ្ឋកិច្ចជាតិ (កបស) មានរៀបចំកិច្ចប្រជុំពិគ្រោះយោបល់ ដើម្បីពិភាក្សា និងប្រមូលធាតុចូលបន្ថែមលើសេចក្តីព្រាងឯកសារចក្ខុវិស័យកម្ពុជាឆ្នាំ ២០៥០, ក្នុងកម្រិតថ្នាក់ដឹកនាំគោលនយោបាយ និងថ្នាក់ដឹកនាំបច្ចេកទេស តំណាងក្រសួង-ស្ថាប័នទាំងអស់ នៃរាជរដ្ឋាភិបាលកម្ពុជា។ កិច្ចប្រជុំនេះប្រព្រឹត្តទៅក្រោមការដឹកនាំសម្របសម្រួលដោយ ឯកឧត្តមបណ្ឌិតសភាចារ្យ   ហ៊ាន សាហ៊ីប អនុប្រធានប្រចាំការ កបស និងជាប្រធានក្រុមការងារដឹកនាំរៀបចំឯកសារគោលនយោបាយនិងយុទ្ធសាស្ត្ររបស់រាជរដ្ឋាភិបាល នីតិកាលទី៦ នៃរដ្ឋសភា។ គោលបំណងសំខាន់នៃការប្រជុំពិគ្រោះយោបល់នេះ សំដៅពិនិត្យ និងសម្រួចឱ្យបានកាន់តែល្អប្រសើរលើឯកសារចក្ខុវិស័យកម្ពុជាឆ្នាំ ២០៥០ ដែលក្រុមការងារនៃ កបស បានរៀបចំសេចក្តីព្រាងរួចរាល់ និងបានដាក់ឆ្លងការពិគ្រោះយោបល់ចំនួន ២ លើកជាមួយរាជបណ្ឌិតសភាកម្ពុជា និងសហភាពសហព័ន្ធយុវជនកម្ពុជា ម្តងរួចទៅហើយ។ គោលបំណងយុទ្ធសាស្ត្រនៃការរៀបចំឯកសារចក្ខុវិស័យជាតិនេះ ផ្តោតសំខាន់លើការក្តាប់យកមកវិញនូវមោទនភាពជាតិដែលធ្លាប់រុងរឿងពីអតីតកាល ជាមួយនឹងការកសាងជាតិទំនើបមួយដ៏រស់រវើក; ជារដ្ឋរឹងមាំ ប្រជាធិបតេយ្យ និងបូរណភាពទឹកដីពេញលេញ ហើយមានកិត្យានុភាពខ្ពស់ត្រដែត; ស្មើភាពនិងស្មើសិទ្ធិលើឆាកអន្តរជាតិ; ជាប្រទេសមានចំណូលខ្ពស់; មានសេដ្ឋកិច្ចធន់មាំ ប្រកបដោយចីរភាពនិងបរិយាប័ន្ន; ជាប្រទេសដែលប្រជាជនរស់នៅក្នុងសុខសន្តិភាព សេចក្តីថ្លៃថ្នូរ និងសុភមង្គល មានកម្រិតជីវភាពខ្ពស់សមរម្យ និងមានចំណេះដឹងខ្ពស់ប្រកបដោយនវានុវត្តន៍ និងសីលធម៌ប្រពៃ; ទទួលបានយុត្តិធម៌សង្គម, ស្មើសិទ្ធិនិងស្មើឱកាសក្នុងសង្គមជាតិ; ព្រមទាំងមានអត្តសញ្ញាណជាតិដ៏បវរ និងភាពរីកចម្រើនលូតលាស់ក្នុងសង្គម រូបវ័ន្ត និងធម្មជាតិ ប្រកបដោយសុខដុមរម្យនា,វប្បធម៌សម្បូរបែប និងសង្គមបរិយាប័ន្ន។

READ MORE

13

Dec, 2018

វគ្គបណ្តុះបណ្តាលជាស៊េរី​លើជំនាញស្ដីពី នីតិវិធីនៃការអនុវត្ត​លទ្ធ​កម្ម​សាធារណៈ, គណនេយ្យសាធារណៈ និង ការ​រៀប​ចំ​​​​​របាយការណ៍​ហិរញ្ញវត្ថុ​របស់​អង្គភាព​ថវិកា ជូនមន្ត្រី​រា​ជការគោល​ដៅ​របស់​អគ្គលេខាធិការដ្ឋាន និង អគ្គនាយកដ្ឋាន​ពាក់ព័ន្ធ នៃក្រសួងសេដ្ឋកិច្ចនិងហិរញ្ញវត្

By: | Tags: | Comments: 0

នាព្រឹកថ្ងៃ ព្រហស្បតិ៍ ៦ កើត ខែ មិគសិរ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹងថ្ងៃទី ១៣ ខែ ធ្នូ ឆ្នាំ ២០១៨ នៅ​សណ្ឋាគារ​រេស៊ីដង់សុខាភ្នំពេញ រាជធានីភ្នំពេញ, ​វិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ រៀបចំ​​បើក​វគ្គបណ្តុះបណ្តាលជាស៊េរី​លើជំនាញស្ដីពី នីតិវិធីនៃការអនុវត្ត​លទ្ធ​កម្ម​សាធារណៈ, គណនេយ្យសាធារណៈ និង ការ​រៀប​ចំ​​​​​របាយការណ៍​ហិរញ្ញវត្ថុ​របស់​អង្គភាព​ថវិកា ជូនមន្ត្រី​រា​ជការគោល​ដៅ​របស់​អគ្គលេខាធិការដ្ឋាន និង អគ្គនាយកដ្ឋាន​ពាក់ព័ន្ធ នៃក្រសួងសេដ្ឋកិច្ចនិងហិរញ្ញវត្ថុ ដែលសិក្ខាកាមចំនួន ៦០ នាក់ នៅក្នុង​ជំនាញនីមួយៗ​ ដើម្បី​រួមចំណែកចូលរួម​អនុវត្ត​​ការ​កែទម្រង់​ការគ្រប់គ្រងហិរញ្ញវត្ថុសាធារណៈ នៅដំណាក់កាលទី៣ ឱ្យ​សម្រេច​បាន​ជោគជ័យ​​ប្រកប​ដោយ​ប្រសិទ្ធភាព ។ វគ្គបណ្ដុះបណ្ដាលលើជំនាញទាំងបីវគ្គនេះ ត្រូវបានសហការរៀបចំដោយវិទ្យាស្ថានសេដ្ឋកិច្ចនិងហិរញ្ញវត្ថុ និង អគ្គនាយកដ្ឋាន​​លទ្ធកម្មសាធារណៈ អគ្គនាយកដ្ឋានរតនាគារជាតិ និងអគ្គនាយកដ្ឋានថវិកា នៃក្រសួងសេដ្ឋកិច្ចនិងហិរញ្ញវត្ថុ និង​​ប្រព្រឹត្ត​ទៅ​តាម​កាលបរិច្ឆេទដូចខាងក្រោម ៖ វគ្គទី១ : ជំនាញស្ដីពី នីតិវិធីនៃការអនុវត្តកិច្ចលទ្ធកម្មសាធារណៈ នាថ្ងៃទី ១៣-១៤ ខែ ធ្នូ ឆ្នាំ ២០១៨ ។ វគ្គទី២ : ជំនាញស្ដីពី គណនេយ្យសាធារណៈ នាថ្ងៃទី ១៧-១៨ ខែ ធ្នូ ឆ្នាំ ២០១៨ ។ វគ្គទី៣ : ជំនាញស្ដីពី ការរៀបចំរបាយការណ៍ហិរញ្ញវត្ថុរបស់អង្គភាពថវិកា នាថ្ងៃទី ១៩ ខែ ធ្នូ ឆ្នាំ ២០១៨ ។

READ MORE

13

Dec, 2018

សិក្ខាសាលាផ្សព្វផ្សាយ “កម្រងសម្រង់បទប្បញ្ញត្តិគតិយុត្តពាក់ព័ន្ធវិជ្ជាជីវៈគណនេយ្យនិងសវនកម្ម”

By: | Tags: | Comments: 0

នាព្រឹកថ្ងៃទី ១៣ ខែ ធ្នូ ឆ្នាំ ២០១៨ នៅទីស្តីការក្រសួងសេដ្ឋកិច្ចនិងហិរញ្ញវត្ថុ មានរៀបចំកម្មវិធីបើកសិក្ខាសាលាផ្សព្វផ្សាយ “កម្រងសម្រង់បទប្បញ្ញត្តិគតិយុត្តពាក់ព័ន្ធវិជ្ជាជីវៈគណនេយ្យនិងសវនកម្ម” ក្រោមអធិបតីភាព ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាថ្នាក់ដឹកនាំ មន្ដ្រីរាជការគ្រប់ជាន់ថ្នាក់នៃក្រសួង ស្ថាប័នទាំងអស់របស់រាជរដ្ឋាភិបាល, រដ្ឋបាលថ្នាក់ក្រោមជាតិ ដែលមានការពាក់ព័ន្ធកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ព្រមទាំងគ្រប់តំណាងអង្គភាពថ្នាក់កណ្ដាល និងថ្នាក់មូលដ្ឋានរបស់ក្រសួងសេដ្ឋកិច្ចនិងហិរញ្ញវត្ថុ។ការរៀបចំកម្រងសម្រង់នេះ គឺជាផ្នែកមួយ ដើម្បីជំរុញឱ្យការគ្រប់គ្រង និងការប្រកបអាជីវកម្មក្នុងវិស័យឯកជន ចូលរួមជំរុញកំណើនសេដ្ឋកិច្ច,ហេតុនេះ កាតព្វកិច្ចគណនេយ្យនិងការធ្វើសវនកម្ម ត្រូវតែអនុវត្តយ៉ាងខ្ជាប់ខ្ជួន ព្រោះថាការអនុវត្តកាតព្វកិច្ចគណនេយ្យនិងសវនកម្មបានត្រឹមត្រូវ នឹងផ្តល់នូវអត្ថប្រយោជន៍ជាច្រើនដល់ក្រុមហ៊ុននិងសហគ្រាស ជាអាទិ៍ ការផ្តល់នូវព័ត៌មានហិរញ្ញវត្ថុប្រកបដោយភាពគ្រប់ជ្រុងជ្រោយនិងសុក្រឹតភាព សម្រាប់ការសម្រេចចិត្តពាក់ព័ន្ធការប្រកបអាជីវកម្ម ព្រមទាំងធានាបាននូវអនុលោមភាពពេញលេញជាមួយបទប្បញ្ញត្តិច្បាប់ ជាពិសេសក្នុងវិស័យមូលបត្រ ធានារ៉ាប់រង ធនាគារ និងសារពើពន្ធ។ កាតព្វកិច្ចគណនេយ្យនិងការធ្វើសវនកម្មខាងលើ អាចអនុវត្តប្រកបដោយប្រសិទ្ធភាពបាន លុះត្រាតែត្រូវបានរៀបចំឡើងនៅក្នុងក្របខ័ណ្ឌគតិយុត្តមួយ ប្រកបដោយនីត្យានុកូលភាព និងគតិយុត្តភាព។

READ MORE